སོ་རུ་དར་རྒྱས་ནས།

ངེས་པར་འབྱུང་བའི་ཚུལ་ཁྲིམས་རྣམ་པར་དག་པས་གཞི་བཟུང༌། ཟབ་པ་དང་རྒྱ་ཆེ་བའི་མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུ་གདམས་ངག་སྙིང་པོར་དྲིལ་ནས་བླ་མའི་མན་ངག་བཞིན་དུ་ཐོས་བསམ་སྒོམ་པའི་རིམ་པས་ཚུལ་བཞིན་རྒྱུད་ལ་སྦྱོར་ཞིང༌། ཁྱད་པར་བརྗོད་བྲལ་ཕྱག་རྒྱ་ཆེན་པོའི་ལྟ་བ་མཐར་ཐུག་པ་བླ་མའི་མོས་གུས་དང༌། བྱིན་རླབས་ཀྱི་བདག་རྐྱེན་ཐུན་མིན་ལ་བརྟེན་ནས། ཚིག་དང་ཉམས་ཡུལ་ཙམ་དུ་མ་ལུས་པར། རྟོགས་པའི་ཡེ་ཤེས་ཁོང་ནས་ཤར་ཏེ་གཟུང་འཛིན་གྱི་སྨག་རང་གྲོལ་དུ་སོང་བས་གྲུབ་པའི་ཕྲེང་བ་ཟམ་མ་ཆད་པར་བྱོན་པའི་ཉམས་ལེན་བྱིན་རླབས་ཀྱི་བརྒྱུད་པ་སྟེ།