བཀའ་སློབ་བདུད་རྩིའི་ཟེགས་མ།
ཡིག་འབྲུ་ཁྲི་བདུན་གྱི་སྙན་ཞུ།
བཀུར་འོས་བའི་ཙུང་ལི་ཀྲོའུ་ཨེན་ལེ་མཆོག་ལ།
ཆེད་ཞུ།
ཙུང་ལི་སྐུ་ཉིད་རྒྱལ་ཁབ་ཕྱི་ནང་གི་མི་དམངས་ཀྱི་བདེ་ཐབས་དང་གནད་ཆེའི་རྒྱལ་སྲིད་མཛད་དོན་ལ་ཐུགས་བྲེལ་ཤིན་ཏུ་ཆེ་ནའང་གུས་པར་བོང་བ་གསེར་གཟིགས་ཀྱིས་ཐུགས་ཁུར་ཚད་མེད་གནང་སྟེ་མཇལ་འཕྲད་བཀའ་དྲིན་བསྩལ་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་། དེ་རིང་གི་རྙེད་པར་དཀའ་བའི་གོ་སྐབས་བཟང་པོ་འདི་བརྒྱུད། བདག་གིས་སྒེར་སེམས་སྤངས་ནས་ཏང་གི་མཚན་མཐོང་དང་མི་དམངས་ཀྱི་ཁེ་ཕན་ལ་དམིགས་ཏེ་ང་ཚོ་བོད་ལྗོངས་ཀྱི་གནས་ཚུལ་གལ་ཆེན་ཁག་སྙན་སེང་དང་།
༧ཀུན་གཟིགས་པཎ་ཆེན་རིན་པོ་ཆེས།
ལས་ལ་བརྩོན་ཞིང་དཔའ་ངར་ལྡན་པའི་བོད་མི་རིགས་ཤིག་ཡིན་ཕྱིན། རང་ཉིད་ཀྱི་ཆོས་ལུགས་དང་། མི་རིགས་ལ་དད་འདུན་དང་ཤ་ཚ། ལར་ཞེན་ཆེན་པོ་ཡོད་ངེས་པ་མ་ཟད། དེ་གཉིས་ཀྱི་ཁེ་ཕན་སྲུང་སྐྱོབ་ཆེད་རང་སྲོག་ཀྱང་བློས་གཏོང་སྲིད།