བོད་ཡིག་གི་དྲ་ངོས་བེད་སྤྱོད་བྱེད་པ་ནི། བོད་ཀྱི་སྐད་ཡིག་རྒྱུན་འཛིན་དང་། རིག་གཞུང་ཞིབ་འཇུག གནས་ཚུལ་མཁོ་སྤྲོད། དཔལ་འབྱོར་འཕེལ་རྒྱས། ཉམས་མྱོང་བརྗེ་རེས་བཅས་ལ་མྱུར་ཚད་དང་། སྤུས་ཚད་གཉིས་ཐད་ནས་གྲུབ་འབྲས་ངེས་ཅན་ལྡན་པའི་ཆ་ནས། བོད་ཡིག་གི་དྲ་རྒྱ་གང་མང་བཟོ་བསྐྲུན་བྱེད་པ་ནི་དུས་རབས་ཀྱིས་ང་ཚོར་སྤྲད་པའི་ལས་འགན་བཟློག་ཏུ་མེད་པ་ཞིག་ཡིན།
ང་ཚོས་བརྡ་འཕྲིན་རང་བཞིན་ཅན་གྱི་དུས་རབས་དང་བསྟུན་ནས་བོད་ཡིག་གི་དྲ་རྒྱ་གང་མང་བཟོ་འགོད་དང། བོད་ཡིག་བེད་སྤྱོད་ཀྱི་ཁོར་ཡུག་གི་གཞི་རྒྱ་ཆེར་བསྐྱེད་ཀྱིས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་མི་ཉམས་གོང་སྤེལ་དང་། ཉམས་པ་སླར་གསོའི་ལས་དོན་ལ་ཞབས་འདེགས་ཞུ་རྒྱུ་ནི་འདི་གའི་ལས་འཆར་གྱི་དམིགས་དོན་ཁ་ཕྱོགས་ཡིན།

འདིག་བོད་ཀྱི་གླེགས་བམ་བོད་ཡིག་དྲ་ངོས་ནི། བོད་ཀྱི་རིག་གཞུང་རང་གི་ངོ་བོའི་ཐོག་ཆེད་དམིགས་བྱ་རྒྱུ་ལས། ཆབ་སྲིད་ཀྱི་ཁ་ཕྱོགས་ལས་གྲུབ་པའི་རྩོམ་ཡིག་སོགས་གང་ཡང་འབྲི་འགོད་བྱ་འཆར་མེད། བོད་ཕྱི་ནང་གཉིས་ཀྱི་མཁྱེན་དཔྱོད་ཡངས་པའི་ཤེས་ལྡན་པ་སུ་ཡིན་ཡང་རང་མོས་ཀྱིས་དྲ་ངོས་འདིར་ཐོ་འགོད་དེབ་སྐྱེལ་དང། གནའ་རབས་གཞུང་ལུགས་དང་ཆེད་རྩོམ། བསླབ་བྱ། དཔྱད་བརྗོད་རྩོམ་ཡིག་སོགས་ངོ་སྤྲོད་དང། རང་སྒེར་སོ་སོ་ནས་ཀྱང་ཆེད་རྩོམ་སྣ་ཚོགས་དང་སྤྱི་ཚོགས་ཀྱི་རྒྱུན་ཤེས་སོགས་རྩོམ་རིགས་གང་མང་སྤེལ་ཡུལ་གྱི་སྤྱི་ལ་དབང་བའི་རང་གི་གླེང་སྟེགས་ཞིག་ཡིན།