འདིག་བོད་ཀྱི་གླེགས་བམ་བོད་ཡིག་དྲ་ངོས་ནི། བོད་ཀྱི་རིག་གཞུང་རང་གི་ངོ་བོའི་ཐོག་ཆེད་དམིགས་བྱ་རྒྱུ་ལས། ཆབ་སྲིད་ཀྱི་ཁ་ཕྱོགས་ལས་གྲུབ་པའི་རྩོམ་ཡིག་སོགས་གང་ཡང་འབྲི་འགོད་བྱ་འཆར་མེད། བོད་ཕྱི་ནང་གཉིས་ཀྱི་མཁྱེན་དཔྱོད་ཡངས་པའི་ཤེས་ལྡན་པ་སུ་ཡིན་ཡང་རང་མོས་ཀྱིས་དྲ་ངོས་འདིར་ཐོ་འགོད་དེབ་སྐྱེལ་དང། གནའ་རབས་གཞུང་ལུགས་དང་ཆེད་རྩོམ། བསླབ་བྱ། དཔྱད་བརྗོད་རྩོམ་ཡིག་སོགས་ངོ་སྤྲོད་དང། རང་སྒེར་སོ་སོ་ནས་ཀྱང་ཆེད་རྩོམ་སྣ་ཚོགས་དང་སྤྱི་ཚོགས་ཀྱི་རྒྱུན་ཤེས་སོགས་རྩོམ་རིགས་གང་མང་སྤེལ་ཡུལ་གྱི་སྤྱི་ལ་དབང་བའི་རང་གི་གླེང་སྟེགས་ཞིག་ཡིན།

རེབ་གོང་འཇིགས་མེད་ལགས་ཀྱིས་དམིགས་ཡུན་ངེས་ཅན་ཞིག་བཟུང་སྟེ་ཕྱི་ལོ་ ༢༠༠༡ ནས་བཞུགས་སྒར་དུ་རྟེན་གཞི་བྱས་པའི་སྣ་འཛོམས་ཤེས་ཡོན་རྭ་བའི་གཙོ་འགན་བཞེས་པའི་སྐབས་དང་། ཕྱི་ལོ་ ༢༠༠༤ ལོར་སྣ་འཛོམས་ཤེས་ཡོན་རྭ་བ་དེ་བོད་ཀྱི་བདེ་རྩའི་ Tibet Charity ཆ་ཤས་སུ་ཟླ་སྒྲིལ་བྱེད་སྐབས་ནས་རང་རྐྱ་འཕེལ་བའི་བོད་ཡིག་གི་དྲ་ངོས་ཇུས་འགོད་དང་། དྲ་ལམ་གསར་པ་རིམ་བྱུང་ལ་ཆེད་སྦྱོང་གིས་ད་ལྟ་བོད་ཀྱི་གླེགས་བམ་ཞེས་པའི་དྲ་ངོས་འདིར་གསར་བསྐྲུན་བྱས།

དུས་ཡུན་རིང་པོར་ལས་རིམ་འདིར་དམིགས་ཡུན་ངེས་ཅན་ཞིག་གི་འོག་རྒྱུ་ཆ་འཚོལ་སྒྲུབ་ཀྱིས་དྲ་ལམ་འདི་མགོ་འཛུགས་གནང་ཡང་། ལས་ཀའི་དུས་ཚོད་དང། བོད་ཡིག་བེད་སྤྱོད་ཀྱི་ཁོར་ཡུག ལས་རོགས་ཀྱི་གླེང་ཕྱོགས་གནོན་ཤུགས་དང་། དཔལ་འབྱོར་གྱི་མཐུན་རྐྱེན་སོགས་ཕྱོགས་ཡོངས་ནས་དཀའ་ངལ་མི་ཉུང་བ་ཞིག་གིས་ད་བར་རྨི་ལམ་གྱི་ཞིང་ཁམས་ནས་ཕྱིར་དངོས་སུ་མངོན་འགྱུར་བྱུང་མ་ཐུབ་པ་ནི་ལས་གཞི་འདི་དང་འབྲེལ་བའི་བརྒྱུད་རིམ་ཕྱོགས་ཙམ་ཡིན།

འདི་ནས་དུས་ཡུན་རིང་པོར་དུས་ཚོད་གང་མང་ཞིག་ནར་གཏོང་གིས་འཛམ་གླིང་སྟེང་དར་ཁྱབ་ཆེ་བ་དང་། མཛད་སྤྱོད་པ་དང་ཇུས་འགོད་པར་སྤྱོད་བདེ་རང་བཞིན་ཅན་གྱི་ W.P C.M.S Content Managment System ཇུས་འགོད་ཀྱི་ལས་རིམ་ལ་ཆེད་སྦྱོང་དང་། རྒྱུས་ལོན་ཞིབ་འཇུག་གིས། བོད་ཡིག་གི་དྲ་ངོས་འདི་དམིགས་བསལ་རང་བཞིན་ཅན་ W.P C.M.S  བེད་སྤྱད་ནས་ཆེད་འགོད་བྱས་ཡོད།

བོད་ཀྱི་གླེགས་བམ་བོད་ཡིག་དྲ་ངོས་འདི་གློག་ཀླད་དང་། ལག་ཐོགས་ཁ་པར་སོགས་འཕྲུལ་རིགས་སྟབས་བདེ་གང་རུང་གི་འཆར་ངོས་སུ་ཡིག་གཟུགས་དང་། པར་རིས། མཐའ་སྒྲོམ་སོགས་གང་ཡིན་ཡང་། ཕྱོགས་གང་དུ་ཁ་ལོ་བསྒྱུར་ཡང་། སོ་སོའི་འཕྲུལ་རིགས་ཀྱི་འཆར་ངོས་སུ་རང་འགུལ་གྱིས་ཆེ་ཆུང་བཙིར་འཇུག་གིས་མཛད་སྤྱོད་པར་སྤྱོད་བདེ་པར་ཡོད་པ་ནི་ W.P C.M.S དྲ་ངོས་ཇུས་འགོད་ཀྱི་དམིགས་བསལ་ཁྱད་ཆོས་རང་བཞིན་ཡིན།

འདི་ནས་སྟོབས་དང་བྱེད་ལས་ཁྱད་པར་ཅན་ཀྱི་ W.P C.M.S དྲ་ངོས་ཇུས་འགོད་ཀྱི་ལས་རིམ་ལ་དུས་ནས་དུས་སུ་ཡར་རྒྱས་ཀྱི་ལམ་ནས་སྔོན་ཐོན་ཅན་དང་། མཐུན་ལྡེ་གསར་གཏོད་དང་། དྲ་ཐོག་ཏུ་དྲ་ངོས་ཆེད་འགོད་ཞུ་བར་ W.P Web Development Online Services རམ་འདེགས་ཞུ་མཁན་ W.P C.M.S ཡར་རྒྱས་ཚོགས་པའི་ཚོགས་མི་ཡོངས་ལ་དམིགས་བསལ་ཀྱིས་ཐུགས་རྗེ་ཆེ་ཞུ་བཞིན་ཡོད།