༄༅། །སློབ་དཔོན་ཡོན་ཏན་འོད་ནི།
ཡུལ་བཅོམ་བརླག་ཏུ་བྲམ་ཟེའི་རིགས་སུ་འཁྲུངས་ཤིང་། སློབ་དཔོན་དབྱིག་གཉེན་གྱི་སློབ་མ་ཡིན། ཆོས་འདུལ་བ་ལ་ཤིན་ཏུ་མཁས། ཆུང་དུས་ནས་ཕྱི་ནང་གི་གྲུབ་མཐའ་ལ་མཁས་པར་གྱུར། དབྱིག་གཉེན་གྱི་དྲུང་དུ་ཆོས་སྡེ་སྣོད་གསུམ་དང་། ཉན་ཐོས་སྡེ་བ་བཅོ་བརྒྱད་ཀྱི་གྲུབ་མཐའ་ཐམས་ཅད་ལ་མཁས་པར་སྦྱངས་ཤིང་། ཁྱད་པར་འབུམ་སྡེའི་དོན་ཁོང་དུ་ཆུད། སློབ་མ་དགེ་སློང་སྟོང་ལྔ་ལྷག་ཡོད་པ་ཕལ་ཆེ་བ་མཁས་པ་ཤ་སྟག་ཡིན།
ཨ་གྲ་པུ་རིའི་གཙུག་ལག་ཁང་དུ་བཞུགས་ཏེ་བསྟན་པ་ལ་བྱ་བརྒྱ་ཆེར་མཛད། དགུང་ལོ་ཉིས་བརྒྱ་ (ཕྱེད་ལོ)བཞུགས་པ་དང་། ། མཐར་འཁྲུངས་ཡུལ་དུ་མྱ་ངན་ལས་འདས། བྱང་སའི་འགྲེལ་བ་དང་། འདུལ་བ་མདོ་རྩ་དང་། དེའི་རང་འགྲེལ། ཀརྨ་ཤ་ཏམ། ལས་བརྒྱ་རྩ་སོགས་བསྟན་བཅོས་མང་དུ་བརྩམས་ཏེ་འདུལ་བསྟན་གྱི་བདག་པོར་གྱུར་པ་དང་། ས་གསུམ་པ་པར་གྲགས་ཤིང་། སློབ་དཔོན་དབྱིག་གཉེན་གྱི་སློབ་མ་འདུལ་བ་རང་ལས་མཁས་པ་དེ་ཉིད་ཡིན་ནོ།།
༄༅ ། །འདུལ་བ་འབུལ་སྡེའི་དགོངས་དོན་ལེགས་བསྡུས་ནས། །ཐབས་ཅད་ཡོད་སྨྲའི་ལུགས་བཞིན་སོ་སོ་ཐར། །མ་ནོར་ལེགས་འདོམས་བརྟན་མཁས་མཆོག་གྱུར་པ། །ཡོན་ཏན་འོད་ཀྱི་ཞབས་ལ་གསོལ་བ་འདེབས། །
ཤོས་ངོས་འདིའི་དཔྱད་གཞིའི་ཡིག་ཆ་ཁག་ཅིག མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་བོད་བརྒྱུད་ནང་བསྟན་ལྷ་ཚོགས་ཆེན་མོ།
འཇིགས་མེད་ཆོས་ཀྱི་རྡོ་རྗེ་ལགས་ཀྱིས་སྒྲིག་རྩོམ་བྱས་པ་ལས་ཟུར་འདོན་བྱས།