༄༅། །སློབ་དཔོན་ཨ་རྱ་དེ་བའམ་འཕག་པ་ལྷ་ནི།
ཡུལ་སིངྒ་ལའི་རྒྱལ་པོའི་སྐྱེད་ཚལ་དུ་བརྫུས་ཏེ་སྐུ་འཁྲུངས་པ་རྒྱལ་བོས་བུར་བཟུང་ཞིང་། སློབ་དཔོན་ཀླུ་སྒྲུབ་ལས་རབ་ཏུ་བྱུང་སྟེ་བསྙེན་པར་རྫོགས་པ་དང་། འཕགས་ཡུལ་དུ་ཕེབས་ཏེ་བཞུགས་ཤིང་། དཔལ་གྱི་རིར་བྱོན་ནས་སློབ་དཔོན་ཀླུ་སྒྲུབ་ལས་འདུས་པ་དང་། བཅུད་ལེན་གྱི་མན་ངག་སོགས་གསན་ཏེ་བསྒྲུབས།
དཔལ་ན་ལེནྡྲར་མུ་སྟེགས་ནག་པོ་ཐུབ་དཀའ་བྱུང་དུས་རྩོད་པར་ཕེབས་པའི་ལམ་དུ་སྦྱིན་བདག་ཤིང་གི་ལྷ་མོ་ཞིག་ཡོད་པ་སྤྱན་ལ་ཆགས་ཏེ་བསླངས་པས་སྦྱིན་པར་བཏང་། མི་སྟེགས་པ་རྩོད་པ་དང་རྫུ་འཕྲུལ་གྱིས་ཚར་བཅད་དེ་བསྟན་པ་ལ་བཀོད། ཕྱིས་ས་བརྒྱད་མནོན་པར་གྱུར། བཞི་བརྒྱ་བ་དང་སྤྱོད་བསྡུས་སྒྲོན་མེ་སོགས་མཛད།
ཀླུ་སྒྲུབ་འདས་རྗེས་་ཤིང་གི་ལྷ་དང་གནོད་སྦྱིན་སྐལ་བཟང་མོ་སོགས་ཀྱིས་འཚོ་བ་སྦྱར་ཏེ་ཆོས་གཞི་བཙུགས་ནས་ཐེག་ཆེན་སྤེལ་བར་མཛད་ཅིང་། ཀླུ་སྒྲུབ་ཀྱི་ལུགས་ལ་སློབ་དཔོན་དང་མཉམ་པར་གྱུར་པ་དང་། ཁོང་གི་གསུང་ལས་ཀྱང་། དྲག་པོ་མིག་གསུམ་ལྡན་ཡང་དེ་ཉིད་མཐོང་བ་མེད། །བརྒྱ་བྱིན་མིག་སྟོང་ལྡན་ཡང་དེ་ཉིད་མཐོང་བ་མེད། །ཨརྱ་དེ་བ་མིག་གཅིག་པོ་ནི་གང་ཡིན་དེས། །སྲིད་པ་གསུམ་པོ་མ་ལུས་པ་ཡི་དེ་ཉིད་མཐོང་། །ཞེས་ཀྱང་གསུངས་སོ།།།
༄༅། །དེ་སྲས་ཐུ་བོ་མཁས་ཤིང་གྲུབ་པའི་མཆོག །ཕྱི་ནང་གྲུབ་མཐའ་རྒྱ་མཚོའི་ཕ་མཐར་སོན། །ཀླུ་སྒྲུབ་གཞུང་འཛིན་ཀུན་གྱི་གཙུན་ནོར་དཔལ། །རྒྱལ་སྲས་འཕགས་པ་ལྷ་ལ་གསོལ་བ་འདེབས། །
ཤོས་ངོས་འདིའི་དཔྱད་གཞིའི་ཡིག་ཆ་ཁག་ཅིག མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་བོད་བརྒྱུད་ནང་བསྟན་ལྷ་ཚོགས་ཆེན་མོ།
འཇིགས་མེད་ཆོས་ཀྱི་རྡོ་རྗེ་ལགས་ཀྱིས་རྩོམ་སྒྲིག་བྱས་པ་ལས་ཟུར་འདོན་བྱས།