༄༅། །སློབ་དཔོན་ཤཱཀྱ་འོད་ནི།
ཆུང་དུས་ནས་རབ་ཏུ་བྱུང་སྟེ་མཁས་པར་སྦྱངས། མ་གྷ་དྷའི་མཁན་པོ་སློབ་དཔོན་བསོད་ནམས་གྲགས་པ་དང་། སློབ་དཔོན་ཞི་བའི་འོད་གཉིས་ཀྱི་སློབ་མ་ཡིན། ཁྱད་པར་དུ་ཆོས་འདུལ་བ་ལ་ཤིན་ཏུ་མཁས་པས། ། འདུལ་བ་སུམ་བརྒྱ་བ་དང་། དེའི་རང་འགྲེལ་འོད་ལྡན་སོགས་བསྟན་བཅོས་མང་དུ་བརྩམས་པ་ལས་འགའ་ཞིག་བོད་དུའང་འགྱུར་བ་དང་། སྐུ་ཚེ་གང་བོར་འདུལ་བསྟན་ཉམས་བཞེས་ཀྱི་མཐིལ་དུ་མཛད་དེ་མཁན་བུ་གྲངས་མེད་བསྐྱངས་ཤིང་། རྒྱ་གར་འཕགས་པའི་ཡུལ་དུ་མཆོག་གཉིས་ཀྱི་ཐ་སྙད་གྲགས་པ་མེད་ཀྱང་བོད་དུ་འདུལ་བསྟན་ལ་དགོངས་ཏེ་དམ་པ་གོང་མ་རྣམས་དེ་ལྟར་བཞེད་པར་གསུངས་པ་ལྟར་བཀོད་དོ། །
༄༅ ། །བསླབ་གསུམ་ཡོན་ཏན་ནོར་བུའི་མཛོད་ལ་དབང་། །འདུལ་བསྟན་དྲི་མེད་རིང་ལུགས་སྤེལ་བའི་སླད། །རྒྱ་ཆེན་གཞང་དོན་ལེགས་བཀྲལ་འདུལ་འཛིན་མཆོག །ཤཱཀྱ་འོད་ཀྱི་ཞབས་ལ་གསོལ་བ་སདེབས། །
ཤོས་ངོས་འདིའི་དཔྱད་གཞིའི་ཡིག་ཆ་ཁག་ཅིག མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་བོད་བརྒྱུད་ནང་བསྟན་ལྷ་ཚོགས་ཆེན་མོ།
འཇིགས་མེད་ཆོས་ཀྱི་རྡོ་རྗེ་ལགས་ཀྱིས་སྒྲིག་རྩོམ་བྱས་པ་ལས་ཟུར་འདོན་བྱས།