བོད་ཀྱི་གླེགས་བམ་དྲ་བ་ནི་སྤྱི་ཚོགས་ཞབས་ཞུའི་ལས་རིམ་ཞིག་ཡིན།

འདི་ག་བོད་ཀྱི་ཀྱི་གླེགས་བམ་དྲ་བ་ནི། བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང༌སོགས་མི་ཉམས་གོང་སྤེལ་དང་། ཉམས་པ་སླར་གསོ་ཡོང་ཐབས་སུ་བོད་ཡིག་གི་ཁོར་ཡུག་གཞི་རྒྱ་ཆེར་བསྐྱེད་ཀྱི་སྤྱི་ཚོགས་ཞབས་ཞུའི་ལས་རིམ་ཞིག་ཡིན།

སྐུ་ཉིད་ཀྱིས་བསམ་ཚུལ་ནི་བོད་ཀྱི་ཆོས་དང་རིག་གཞུང༌སོགས་མི་ཉམས་གོང་སྤེལ་དང་། ཉམས་པ་སླར་གསོ་ཡོང་ཐབས་སུ་ལས་རིམ་ཡར་རྒྱས་ཀྱི་རོགས་འདེགས་མེད་དུ་མི་རུང་བ་ཞིག་ཡིན།

ང་ཚོས་དུས་རབས་དང་བསྟུན་ནས། བོད་ཡིག་གི་དྲ་རྒྱ་ཇུས་འགོད་དང་། བོད་ཡིག་གི་དྲ་ངོས་བེད་སྤྱོད་བྱེད་པ་ནི། བོད་ཀྱི་སྐད་ཡིག་རྒྱུན་འཛིན་དང་། རིག་གཞུང་ཞིབ་འཇུག གནས་ཚུལ་མཁོ་སྤྲོད། དཔལ་འབྱོར་འཕེལ་རྒྱས། ཉམས་མྱོང་བརྗེ་རེས་བཅས་ལ་མྱུར་ཚད་དང་། སྤུས་ཚད་གཉིས་ཐད་ནས་གྲུབ་འབྲས་ངེས་ཅན་ལྡན་པའི་ཆ་ནས། བོད་ཡིག་གི་དྲ་རྒྱ་གང་མང་བཟོ་བསྐྲུན་བྱེད་པ་ནི་དུས་རབས་ཀྱིས་ང་ཚོར་སྤྲད་པའི་ལས་འགན་བཟློག་ཏུ་མེད་པ་ཞིག་ཡིན།